Самарқандда ўтаётган Бутунжаҳон шахмат олимпиадасининг 5-тур баҳслари якунланди.
Эркаклар ўртасида Ўзбекистоннинг асосий терма жамоаси Венгрияга ҳеч қандай имконият қолдирмади. Нодирбек Ёқуббоев, Нодирбек Абдусатторов, Жавоҳир Синдаров ва Шамсиддин Воҳидов рақиблари устидан ғалаба қозонишди.
Ўзбекистон-2 терма жамоаси Филиппинни 2,5:1,5 ҳисобида енгди. Ўзбекистон-3 терма жамоаси Австрия билан 2:2 ҳисобидаги дурангга имзо чекди.
Аёллар турнирида Ўзбекистоннинг асосий терма жамоаси АҚШ билан 2:2 ҳисобида дуранг ўйнади.
Ўзбекистон-2 терма жамоаси Тунис устидан 4:0 ҳисобида ғалаба қозонди. Ўзбекистон-3 терма жамоаси Мадагаскарни 3,5:0,5 ҳисобида енгди.
6-тур ўйинлари 21 сентябр куни ўтказилади.
46-Бутунжаҳон шахмат олимпиадаси Самарқандда 27 сентябргача давом этади.
