Финландия ва Швеция Туркиянинг терроризмда гумонланаётган 33 кишини экстрадиция қилиш тўғрисидаги сўровини бажармади

Туркия Финландиядан Курдистон ишчи партияси ва ФЕТО аъзоси бўлган 12 кишини ва Швециядан 31 кишини экстрадиция қилишни сўрамоқда.

Фото: TRT Haber

Финландия ва Швеция Туркиянинг терроризмда гумонланаётган 33 кишини экстрадиция қилиш тўғрисидаги сўровини бажармади, деб хабар берди TRT телеканали.

Телеканалнинг маълумот беришича, Туркия ҳукумати "Курдистон ишчи партияси ва ФЕТО террорчиларини топширишни сўраган".

Бироқ Ҳелсинки ва Стокҳолм Анқаранинг сўровига жавоб бермаган.

Аниқлик киритилишича, Туркия Финландиядан Курдистон ишчи партияси ва ФЕТО аъзоси бўлган 12 кишини ва Швециядан 31 кишини экстрадиция қилишни сўрамоқда.

Аввалроқ Туркия президенти Ражаб Тоййиб Эрдўған “Скандинавия давлатлари террорчилик ташкилотлари учун меҳмон уйига ўхшаши”ни айтганди. Туркия кўплаб турк муҳожирлари яшайдиган Швецияни экстремистик курд гуруҳлари, шунингдек, Эрдўған Туркиядаги исён ташкилотчиси деб эълон қилган Фатҳуллоҳ Гулен тарафдорларига бошпана берганликда айблаб келади.