Қўмита хабарига кўра, Ўзбекистон 2022 йилнинг январь-май ойларида хорижий давлатларга қиймати қарийб 3 млн AҚШ долларига тенг бўлган 2,8 минг тонна ўрик экспорт қилган.
Қайд этилишича, ўрик экспорти ўтган йилнинг мос даври билан солиштирилганда 747 тоннага ёки 36 фоизга ошган.
2022 йилнинг 5 ойида Ўзбекистон энг кўп ўрик экспорт қилган давлатлар орасида Россия етакчилик қилмоқда – 1,5 минг тонна.
Шунингдек, Қозоғистонга 860 тонна, Қирғизистонга эса 429 тонна ўрик олиб борилган.
2022 йилнинг 5 ойида хорижга энг кўп ўрик экспорт қилган ҳудудлар қуйидагича:
- Фарғона вилояти – 1,2 минг тонна;
- Хоразм вилояти – 311 тонна;
- Тошкент вилояти – 236 тонна.
