Ўзбекистон уран қазиб олиш ҳажмини икки баравар оширишни режалаштирмоқда

Президент «2022-2030 йилларда уран қазиб олиш, қайта ишлаш ҳажмини ошириш ва «Навоийуран» давлат трансформация қилиш чора-тадбирлари тўғрисида»ги қарорни имзолади.

Ҳужжатга кўра, Ўзбекистон 2022-2030 йилларда уран қазиб олиш ҳажмини икки баравар оширишни режалаштирмоқда.

Ҳужжат матнига қараганда, қазиб олиш ҳажмини 2021 йилдаги 3 526 тоннадан 2030 йилда 7 100 тоннага етказиш мўлжалланмоқда.

Ҳужжатда, шунингдек, 2022-2030 йилларда геология-қидирув ишларини фаоллаштириш ҳисобига уран захираларининг ўсиш суръати кўрсаткичлари тасдиқланди – 4 700 тоннадан 10,5 минг тоннагача.

Қарор билан республикада уран қазиб олишни кўпайтириш бўйича умумий қиймати қарийб 460 миллион долларлик 20 та инвестиция лойиҳаси рўйхати ҳам тасдиқланди.