Ўзбекистонда иқлим ўзгаришлари кўрсаткичларини ўлчаб бориш метеостанцияси қурилди

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтида қуёш радиацияси, шамол тезлиги ва йўналиши, ҳаво ҳарорати ва намлиги ҳамда ёғингарчилик миқдорини ўлчаб бориш метеостанцияси саноат намунаси қурилди.

Метеостанция бошқарув дастури ишлаб чиқилди ва Интеллектуал мулк агентлигидан электрон ҳисоблаш машиналари (ЭҲМ) дастури учун патент гувоҳномаси олинди.

Метеостанция датчикларидан олинган маълумотлар дистанцион тарзда асосий компьютерга узатилади ва таҳлил қилиб борилади, дейилади Энергетика вазирлиги матбуот хизмати хабарида.