Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:59 / 19.09.2022
    24353
    4 дақиқада ўқилади

    Харкивда Россия армиясидан қолган қамоқхоналар ва оғилхонага айланган черков. Уруш суратлари

    Харкив областининг озод этилган қисмларида ярим ой давом этган истило вақтидаги ҳарбий жиноятлар излари аниқланиши давом этмоқда. Козача Лопан посёлкасидаги ертўлаларда, Украина ҳукумати маълумотига кўра, сўроқлар учун камера ва қамоқхона ташкил этилган. Малая Камишеваха қишлоғида россиялик ҳарбийлар Авлиё Троицкий ибодатхонасидан дала ҳоспитали сифатида фойдаланишган. Изюмда шаҳар россияликлар томонидан ишғол этилган вақтда ҳалок бўлганларнинг жасадларини эксгумация қилиш жараёни давом этмоқда. Харкив области прокурори Олександр Фильчаков 16 сентябр куни «Настоящее время» эфирида айтишича, уруш қурбонлари кўмилган ҳудуддан тинч аҳоли вакиллари бўлган 445 киши қабри ва Украина ҳарбий хизматчиларининг битта умумий қабри аниқланган.

    Қуйида 18 сентябр, урушнинг 207-кунида Украинанинг турли ҳудудларида олинган суратлар.

    Козача Лопанда ертўлалардаги турма

    Украина фавқулодда вазиятлар бўйича давлат хизмати ходимлари қум тўлдирилган қоплар билан ўралган вокзал ертўласига кирмоқда. Украина расмийларига кўра, Харкив областининг озод этилган Козача Лопан посёлкасидаги бу ертўладан Россия истилоси вақтида сўроқлар ўтказиш жойи сифатида фойдаланилган.
    Leo Correa / AP / Scanpix / LETA
    Темирйўл вокзали ертўласидаги хона. Украин расмийларига кўра, бу жойда россиялик ҳарбийлар маҳаллий аҳоли вакилларини сўроқ қилган.
    Viktoriia Yakymenko / Reuters / Scanpix / LETA
    Дарвозасига Z ҳарфи битилган иморат. Украин расмийларига кўра, бу бинода Россия ҳарбийлари Козача Лопан аҳолиси вакиллари қийноққа солинган қамоқхона ташкил этишган.
    Viktoriia Yakymenko / Reuters / Scanpix / LETA
    Украина расмийлари Россия истилоси вақтида қийноқ камераси сифатида фойдаланилганини айтган ертўладаги кўрпа-тўшаклар.
    Leo Correa / AP / Scanpix / LETA
    Одамлар қийноққа солингани айтилаётган ертўлада турган украиналик аскар.
    Leo Correa / AP / Scanpix / LETA

    Изюмдаги қабристонда эксгумация

    Украина қуролли кучлари томонидан озод қилинган Изюм шаҳрида жасадларни эксгумация қилиш. Жасадлар экспертизадан ўтказиш учун Харкивга олиб кетилади. Маҳаллий ҳокимият органларига кўра, эксгумация ишлари тахминан икки ҳафта вақт олади.
    Umit Bektas / Reuters / Scanpix / LETA

    Россия армиясининг Малая Камишевахадаги ташландиқ дала ҳоспитали 

    Харкив областининг Малая Камишеваха қишлоғидаги Авлиё Троицкий ибодатхонаси истило вақтида россиялик ҳарбийлар томонидан дала ҳоспиталига айлантирилган. Фото: Yakiv Lyashenko
    Малая Камишеваха қишлоғидаги Авлиё Троицкий ибодатхонасида «Тива» ёзуви ўйиб туширилган стул. Тува республикаси Россиянинг барча регионлари орасида Украинада ҳалок бўлган аскарлари сони аҳоли нисбатига кўра энг юқори бўлган ҳудуддир.
    Фото: Yakiv Lyashenko
    Украина ички ишлар вазирининг собиқ биринчи ўринбосари Антон Герашченко черковдан олинган видеони эълон қилди ва унга шундай изоҳ ёзиб қолдирди: «черков оғилхонага айлантирилди».
    Фото: Yakiv Lyashenko

    Харкив областининг озод этилган қисмидаги ҳаёт 

    Украин ҳарбийлари томонидан яқинда озод этилган Изюмда вайрон бўлган бино олдида ўтирган киши.
    Umit Bektas / Reuters / Scanpix / LETA
    Изюмлик 85 ёшли аёл ўз уйи ҳовлисида таом пиширмоқда
    Umit Bektas / Reuters / Scanpix / LETA
    Изюмдаги кўп қаватли уй ҳовлисида тушлик қилаётган олти ёшли бола .
    Umit Bektas / Reuters / Scanpix / LETA
    Харкив областининг Прудянка посёлкасида шикастланган автомобил
    Leo Correa / AP / Scanpix / LETA
    Руська Лозова қишлоғидаги уйда томни тузатаётган киши. Унинг уйи ҳовлисида — окоплар қазилган.
    Leo Correa / AP / Scanpix / LETA
    Муаллиф:  Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    20:13 / 22.12.2025

    Вэнс: Украина барибир Донбассни бой беришини тушуниб турибди

    19:54 / 22.12.2025

    Украина разведкаси Липецкда икки қирувчи ёқиб юборилганини маълум қилди

    13:50 / 22.12.2025

    Рютте: Путинни тинчликка фақат Трамп мажбурлай олади

    13:32 / 22.12.2025

    Уиткофф АҚШ–Украина форматидаги музокаралар тафсилотларини очиқлади