Ўзбекистон ва Қирғизистон чегара бўйича қўшма протокол имзолади

Ўзбекистон ва Қирғизистоннинг ўзбек-қирғиз давлат чегарасини делимитация ва демаркация қилиш бўйича ҳукумат делегациялари томонидан Ўзбекистон ва Қирғизистон ҳукумат делегациялари қўшма йиғилиши баённомаси имзоланди.

Қирғизистон ҳукумати сайтига кўра, у Ўзбекистон-Қирғизистон давлат чегарасининг айрим участкалари тўғрисидаги янги шартнома лойиҳасини келишиш тартибини бошлаш имконини беради.

Ўзбекистон томонидан ҳужжатни бош вазир Абдулла Арипов, Қирғизистон томонидан Миллий хавфсизлик давлат қўмитаси раиси, Қирғизистон вазирлар маҳкамаси раиси ўринбосари Қамчибек Ташиев имзолади.

Ўзбекистон бош вазири Абдулла Арипов Ўзбекистон-Қирғизистон давлат чегарасини делимитация ва демаркация қилиш тўғрисидаги шартнома лойиҳасини келишиш бўйича Ўзбекистон томонининг тўлиқ қатъиятини тасдиқлади.

«Икки республика ҳукумат делегациялари қаттиқ ишлаб, ўзбек-қирғиз давлат чегарасининг қолган участкаларини мувофиқлаштириш бўйича машаққатли вазифани амалга оширди. Ишончим комилки, делимитация жараёнининг якунланиши азалий дўстлигимиз дахлсизлиги ва чинакам қардошлик муносабатларимизни яна бир бор тасдиқлайди», - деди Абдулла Арипов.

«Умид қиламанки, бугунги қўшма йиғилиш натижаларига кўра, биз президентларимиз томонидан яқин келажакда Қирғизистон ва Ўзбекистон ўртасида Қирғизистон-Ўзбекистон давлат чегараси участкалари тўғрисидаги шартнома лойиҳасини имзолаш учун тайёрлаймиз», деди Қирғизистон вазирлар маҳкамаси раисининг ўринбосари Қамчибек Ташиев.

Унинг сўзларига кўра, бугунги кунда Ўзбекистон ва Қирғизистон яқин қўшни, ҳақиқий дўст ва стратегик шерикдир. Қирғизистон Ўзбекистон билан сиёсий, савдо-иқтисодий, сармоявий, транспорт, минтақалараро, маданий-гуманитар алоқаларни янада кенгайтиришга ҳар томонлама тайёрлиги билдирилди.