Қозоғистон президенти сайловида 6 номзод иштирок этади

«Бугун, 21 октябр, маҳаллий вақт билан соат 18:00 да президентликка номзодларни рўйхатга олиш жараёни якунланди. Энди сайловолди ташвиқоти бошланади, у 28 кун давом етади», — деди Марказий сайлов комиссияси раиси ўринбосари Константин Петров.

Қозоғистон президенти сайловида қатнашиш учун 12 киши ҳужжат топширган эди. Улардан фақат олти нафари номзод сифатида рўйхатга олинган.

Номзодларнинг 2 нафари аёл, 4 нафари эркак, 1 нафари давлат хизматчиси, 1 нафари тижорат тузилмаси вакили, 4 нафари нодавлат сектор вакили, 1 нафари сиёсий партия вакили.

Президентликка рўйхатга олинган номзодлар:

1. Қосим-Жўмарт Тўқаев – Ижтимоий-сиёсий кучлар халқ коалициясидан;
2. Каракат Aбден – Профессионал ижтимоий ишчилар миллий алянси Республика жамоат бирлашмасидан;
3. Жигули Дайрабоев – «Овул» Халқ демократик ватанпарварлик партиясидан;
4. Мейрам Кажикен – «Aманат» касаба уюшмалари республика жамиятидан;
5. Салтанат Турсинбекова – «Қозоқ аналари – дастурге жол» республика жамоат бирлашмасидан;
6. Нурлан Aуесбаев – мухолифатдаги Миллий социал-демократик партиядан.

Қозоғистонда навбатдан ташқари президент сайлови 20 ноябрь куни ўтказилади.