“Ўзим, эрим хасталигига чидагандим. Лекин болам дардга чалингани учун ўртаниб кетяпман” – бир оилада уч бемор

{Yii::t(}

Ўтказиб юбориш 6s

Ўтказиб юбориш

“Ўзим жағ суягимда аниқланган ўсимта оқибатида икки марта оғир операцияни бошдан кечирдим. Турмуш ўртоғим ҳам жарроҳлик амалиётини бошдан ўтказди.

Яратганнинг синови экан, қизимга ҳам бўйнида лимфа бези саратони ташхиси қўйилди. Боламда бунақа дард аниқланиши хаёлимга келмаганди. Ҳаммасига шукур қилиб яшардим, аммо бу хабарни эшитиб ўзимга сиғмай кетдим”, - деб эслайди беморнинг онаси – ўзи ҳам бемор Зиёда.

Турли хасталиклар билан тинимсиз олишиб келаётган аёлнинг бошидан шу кунга қадар кўп қийинчиликлар ўтган. Фарзандларига бўлган меҳр, уларнинг саломатлиги учун шукрона туйғуси унинг яшашига ишонч бераётган эди.

“Оч қолган, қийналган кунларимиз ҳам бўлди. Лекин болаларим борлиги менга умид берарди. Шунинг учун ўзимдаги касалликни енгиб яшардим. Улар учун ўзимни тик тутиб, эртадан-кечгача ишлаб болаларимни боқаётган эдим. Турмуш ўртоғимнинг кўзи яхши кўрмайди, шунинг учун ишлашга имкон йўқ. Ҳеч қачон бундан ношукур бўлмадим.Фарзандларимга кўзёшимни кўрсатгим келмайди, лекин ичим тўлган. Баъзида оғирлик қилади буни кўтариш.

Қизимда шу касал аниқлангандан бери ўзимда йўқман. Боламга қараб ичим эзилади”, - дея зор қақшаган онанинг сўзларини эшитишнинг ўзи оғир.

Имона 8 ёшда. У соғайишни, ота-онасига тиргак бўлишни истайди. Унинг ғам тўла кўзлари яшашга чанқоқ, онасининг қийналаётганини кўриб бир дарди икки бўлади. Аммо уларда бу оғир дард билан курашиш учун маблағ йўқ. Қизалоқнинг дардига шифо сўраб дуода бўлиш, унга ёрдам қўлини чўзиш деярли барчамизнинг қўлимиздан келишига шубҳа йўқ.

Имона Тожибоевага оид маълумотлар:

Ўзкард: 8600 0609 4285 4267 онаси Зиёда Ҳожиёрова номида

Манзил: Тошкент вилояти Оҳангарон тумани Эвалак қўрғони 40-уй.