Молдова Татаристон раҳбарига мамлакатга киришга рухсат бермади

Mash Telegram-канали хабарига кўра, Рустам Миннихонов Молдовада «номақбул шахс» деб эълон қилинган, унинг самолёти Кишинёвдан Россияга қайтишга мажбур бўлган.

Рустам Миннихонов / Фото: Anadolu agency

Молдова ҳукумати Татаристон раҳбари Рустам Миннихоновни мамлакатда «номақбул шахс» деб эълон қилди ва республикага киришини тақиқлади, деб хабар берди Mash Telegram-канали 17 апрель, душанба куни.

Хабар муаллифларига кўра, Минниханов Молдова Гагаузиясига «Халқлар дўстлиги – 2023» халқаро халқ дипломатияси конгрессига учишни режалаштирган. Молдовада сиёсатчига ҳамроҳлик қилган «Ак-Барс» ҳолдинг компанияси раҳбари Иван Егоров ҳам «номақбул шахс» деб тан олинган, у ва Татаристон раҳбари бўлган самолёт аллақачон Кишинёвдан Россияга қайтиб келган, деб ёзади Mash.

Айни пайтда, «Интерфакс» ахборот агентлиги Молдова чегара полицияси матбуот котиби Раиса Новицкийнинг сўзларини келтирди. «Татаристон делегациясининг келиши Молдова ҳукумати билан келишилмаган ва Гагаузия мухторияти маъмурияти халқаро форум ўтказишни режалаштирмаган», деди у.

Айни пайтда Гагаузияда мухториятнинг янги бошқонини (раҳбарини) сайлаш учун сайлов кампанияси давом этмоқда. Сайловлар 30 апрелга белгиланган. Уларда 8 нафар номзод иштирок этади. Уларнинг ҳар бири россиялик сиёсатчиларни қўллаб-қувватлашга ҳаракат қилмоқда, чунки Гагаузия Россия билан яқинлашиш тарафдори, деб эслатади «Интерфакс».