ФВВ раҳбариятида янги тайинловлар амалга оширилди

Фавқулодда вазиятлар вазирлиги раҳбариятида янги лавозим тайинловлари амалга оширилди. Бу ҳақда ФВВ хабар берди.

Ўзбекистон президентининг тегишли қарори билан полковник Санжар Зупаров Ўзбекистон фавқулодда вазиятлар вазирининг биринчи ўринбосари – штаб бошлиғи лавозимига тайинланди.

Санжар Зупаров 1975 йилда Тошкент шаҳрида туғилган. 1996 йили Ўзбекистон Республикаси ИИВ Ёнғиндан сақлаш олий техник мактабини тамомлаган.

У тайинловга қадар Ўзбекистон Фавқулодда вазиятлар вазирлиги Бош бошқармаси бошлиғи лавозимида ишлаб келган.

Ўзбекистон президенти қарори билан полковник Мухтор Муҳиддинов Ўзбекистон фавқулодда вазиятлар вазирининг ўринбосари лавозимига тайинланди.

Мухтор Муҳиддинов 1973 йили Тошкент шаҳрида туғилган. 1996 йили Тошкент давлат техника университетини, 2004 йили Ўзбекистон Стратегик таҳлил ва истиқболни белгилаш олий мактабини тамомлаган. 

У тайинловга қадар Ўзбекистон Маҳалла ва нуронийларни қўллаб-қувватлаш вазирининг ўринбосари лавозимида ишлаб келган.

Ўзбекистон президенти қарори билан полковник Хуршид Алибоев Ўзбекистон фавқулодда вазиятлар вазирининг ўринбосари лавозимига тайинланди.

Хуршид Алибоев 1982 йилда Жиззах вилоятида туғилган. 2003 йили Ўзбекистон Миллий университетини, 2015 йили Россия Федерацияси Фуқаро муҳофазаси академиясини тамомлаган. 

У тайинловга қадар Тошкент вилояти Фавқулодда вазиятлар бошқармаси бошлиғи лавозимида ишлаб келган.

Камил Абдижалилов бошқа ишга ўтиши муносабати билан фавқулодда вазиятлар вазирининг ўринбосари лавозимидан озод этилди.