Тошкент шаҳар ҳокимлиги пойтахт аҳолисига доир статистик маълумотларни эълон қилди.
Тошкент шаҳар Статистика бошқармасининг маълумотига кўра, 2023 йил 1 апрел ҳолатига пойтахтда доимий аҳоли сони 2 978 200 нафарни ташкил этган бўлиб, шулардан 1 460 800 нафари эркаклар, 1 517 400 нафари аёллар.
Туманлар кесимида аҳолиси энг кўп ҳудудлар учталигига Олмазор, Юнусобод ва Шайхонтоҳур туманлари кирди. Яккасарой ва Бектемир эса аҳолиси энг кам туманлар сифатида қайд этилди.
2023 йил 1 апрел ҳолатига аҳоли туманлар кесимида қуйидагича тақсимланди:
• Олмазор тумани — 397,1 минг;
• Юнусобод тумани — 369,5 минг;
• Шайхонтоҳур тумани — 361,8 минг;
• Мирзо Улуғбек тумани — 324,9 минг;
• Учтепа тумани — 295,3 минг;
• Яшнобод тумани — 293,0 минг;
• Чилонзор тумани — 272,9 минг;
• Янгиҳаёт тумани — 164,4 минг;
• Миробод тумани — 150,1 минг;
• Сергели тумани — 163,8 минг;
• Яккасарой тумани — 128,6 минг;
• Бектемир тумани — 56,8 минг.
