Собиқ “Алгоритм” заводи сотилди

E-auksion савдо платформаси орқали собиқ “Алгоритм” заводи бино ва иншоотлари (умумий майдони 16 гектар) Strategic Development Team МЧЖга 307 млрд 602 млн сўмга сотилди. Лот 292 млрд 955 млн сўм бошланғич нарх билан сотувга чиқарилган.  

Корхона ва ташкилотларнинг ягона давлат реестрига кўра, харидор Strategic Development Team МЧЖ 2018 йил 4 июлда Тошкент шаҳрида рўйхатга олинган. Жорий устав фонди – 7 млн сўм. Фаолият йўналиши – тижорат фаолияти ва бошқарув масалалари бўйича маслаҳат бериш. Компаниянинг ягона таъсисчиси – Садиков Фатхулла Хайруллаевич, раҳбари сифатида Тулаганов Шерзод Нигманович кўрсатилган.

Маълумот учун, Фатхулла Садиков Havas супермаркетлар тармоғининг 70 фоиз улушига эгалик қилади. Шунингдек, "Adler group distribution", "Masshtab project", "Planet service plus", "Strategic development team", "Asvad-group", "Brand factory", "Division marketing agency", "Vedovec", "Gatter-group", "Servis-saida", "Kruiz" каби компанияларда ҳам улушларга эга.