Ҳар йили 500 нафар ёшлар хорижнинг нуфузли олийгоҳларига ўқишга юборилади

“Ўзбекистон–2030” стратегиясининг “Ҳар бир инсонга ўз салоҳиятини рўёбга чиқариши учун муносиб шароитларни яратиш” йўналишидаги мақсадлари белгиланди.

Аҳоли саломатлигини таъминлашда:

• ўртача умр кўриш давомийлигини 78 ёшга етказиш;
• тиббиётга йўналтириладиган маблағлар ҳажмини 2 баробарга ошириш;
• туғуруқ ўринлари сонини 35 фоизга ошириш;
• ҳар йили 55 ва ундан катта ёшдаги аҳолини 100 фоиз тиббий профилактик кўрикдан ўтказиш ва соғломлаштириш.

Ижтимоий хизматлар кўрсатиш ва камбағалликни қисқартириш:

• “Тўсиқсиз туризм” дастури доирасида ҳар бир вилоятдан йилига 1000 нафардан ногиронлиги бўлган шахсларнинг Самарқанд, Бухоро ва Хивага бепул саёҳатларини ташкил қилиш;
• 2026 йилга қадар камбағалликни 2022 йилга нисбатан 2 баробарга, 2030 йилга қадар эса кескин қисқартириш;
• камбағалликка тушиш хавфи мавжуд 4,5 миллион аҳоли даромадини ошириш;
• меҳнатга лаёқатли аҳолини, шу жумладан ёшлар ва ногиронлиги бўлган шахсларни барқарор ва самарали бандлигини таъминлаш орқали ишсизлик даражасини 7 фоизгача тушириш.

Ёшларга оид давлат сиёсати ва спорт йўналишларидаги ислоҳотлар

• ҳар йили 500 нафар истеъдодли ёшларни хорижнинг нуфузли олийгоҳларига ўқишга юбориш;
• ёшларнинг ишсизлик даражасини 14 фоиздан 11 фоизга камайтириш.