Интернетда Tashkent Air авиакомпаниясининг биринчи самолёти сурати пайдо бўлди

Самолёт Ўзбекистонга ўтган йилнинг октябр ойида етказилган эди.

Фото: Tashkent Air

Ижтимоий тармоқларда Ўзбекистоннинг Tashkent Air авиакомпаниясининг биринчи самолёти суратлари пайдо бўлди. Бунга «Новости Ташкентского Неба» Telegram-канали эътибор қаратди.

Planespotters.net сайти маълумотларига кўра, Tashkent Air маҳаллий авиакомпанияси парки Ўзбекистонга 2022 йил октябр ойида етказиб берилган битта Airbus А330−200 самолётидан иборат. Тулузада ишлаб чиқарилган самолёт деярли 21 ёшда.

Tashkent Air авиакомпаниясининг биринчи самолёти аллақачон рўйхатдан ўтган - UK33077. Унда авиакомпания номи ҳам бор.

Дастлаб Airbus А330−200 Париж ҳаво бандаргоҳида жойлашган XL Airways France француз авиаташувчисига тегишли эди. Компания узоқ йиллар давомида турли авиаташувчиларга самолётларни ижарага бериб келмоқда. Самолётнинг сўнгги эксплуатанти Туркиянинг Onur Air компанияси бўлиб, у бортни 2020 йил апрел ойида қабул қилиб олган.

Tashkent Air Centrum Air, Silk Avia ва Asia Union Airlines билан биргаликда жорий йилнинг биринчи ярмида иш бошлади.

Тайёрлаган: Отабек Матназаров

#самолёт #Tashkent Air