МЛС. «Интер Майами» Мессисиз «Чикаго Файр»га йирик ҳисобда мағлуб бўлиб, 14-ўринга тушди

МЛС мунтазам чемпионати доирасида «Интер Майами» Мессисиз ўтказган кетма-кет 4-ўйинида очко йўқотди.

Майамиликлар бу сафар «Чикаго Файр» меҳмони бўлиб, йирик ҳисобда мағлубиятга учрашди – 1:4.

Лионель Месси жароҳат сабабли жамоасининг сўнгги 4 ўйинини ўтказиб юборди. У сўнгги марта 21 сентябр куни майдонга тушганди.

«Интер Майами» 31 баҳсда жами 33 очко тўплаб, 15 жамоа орасида турнир жадвалида 14-ўринда бормоқда. Чикаго клуби эса 40 очко билан 8-ўринда бормоқда.  

МЛС
Чикаго Файр – Интер Майами 4:1
Голлар: 1:0 – 49 Шақири, 1:1 – 53, пеналти Мартинес, 2:1 – 62 Ҳайле-Селассие, 3:1 – 65 Хайле-Селассие, 4:1 – 73 Шақири.
Чикаго Файр – Брэйди, Чихос, Омсберг, Наварро, Шақири, Хименес, Думбия, Гутиеррес (Ҳайле-Селассие, 55), Деан Жуниор, Ҳерберс (Теран, 85), Куциас (Пшибилко, 69).
Интер Майами – Кэллендер, Йедлин, Кривцов, Миллер, Аллен, Бускетс, Арройо (Мота, 67), Кремаски, Тэйлор (Стефанелли, 67), Фариас, Мартинес.