ФВВ раҳбари ўринбосари Тошкент шаҳар ФВБ бошлиғи этиб тайинланди

Фавқулодда вазиятлар вазири ўринбосари лавозимида ишлаб келган Мухтор Муҳиддинов Тошкент шаҳар Фавқулодда вазиятлар бошқармаси бошлиғи бўлди.

Фото: ФВБ ахборот хизмати

Полковник Мухтор Муҳиддинов Тошкент шаҳар Фавқулодда вазиятлар бошқармаси бошлиғи этиб тайинланди.

У май ойидан бери фавқулодда вазиятлар вазири ўринбосари лавозимида ишлаб келаётганди.

Мухтор Муҳиддинов 1973 йилда Тошкентда туғилган. 1996 йилда Тошкент давлат техника университетини, 2004 йилда Стратегик таҳлил ва прогнозлаш олий мактабини тамомлаган.

Сентябр ойида Тошкент шаҳар ФВБ бошлиғи лавозимида ишлаган Равшан Ҳайдаров ФВВ академиясига раҳбар этиб тайинланганди.