Қашқадарё вилояти, Яккабоғ тумани, «Тўқбой» маҳалласи ҳудудида ҳоким ёрдамчиси П.Р. томонидан 20 туп наъматак ва 5 туп олча дарахти ноқонуний кесилгани аниқланди. Бу вилоят Экология бошқармаси, Яккабоғ туман бўлими инспекторлари томонидан ўтказилган назорат рейд тадбирида маълум бўлган.
Ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг 79-моддаси (Дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш) 1-қисмига асосан маъмурий баённома расмийлаштирилган. Дарахтлар кесилиши оқибатида табиатга 9 млн 350 минг сўм зарар етказилган. Шунингдек, ҳуқуқбузар 3 млн 400 минг сўм миқдорида жаримага тортилган.
Қайд қилинишича, у жами 12 миллион 750 минг сўм миқдорида товон тўлайди.
