Қўшимча функционаллар
-
Тунги кўриниш
Тошкентда фуқаролардан 6,1 млрд сўмни алдаб олган «автосалон эгалари» қамалди
Жиноий шериклар «автомашиналарни 3 ой муддат ичида автосалондан чиқариб, етказиб бериш»ни айтиб, жами 74 нафар фуқаронинг 40 млн сўмдан то 200 млн сўмгача бўлган жуда кўп миқдордаги, жами - 6,1 млрд сўмлик пул маблағларини фирибгарлик йўли билан қўлга киритган.
Фото: Yandex Maps
Фуқаролардан 6 155 000 000 сўмни алдаб олган «автосалон эгалари» қамалди. Бу ҳақда ЎзА хабар бермоқда.
Маълум бўлишича, олдиндан жиноий тил бириктирган 3 нафар шахс томонидан пойтахтнинг Алишер Навоий кўчасида Мy Cars номи билан автосалон очилган.
2022 йил 16 январдан 2023 йилнинг 2 август кунига қадар бўлган вақт оралиғида ушбу жиноий шериклар «автомашиналарни 3 ой муддат ичида автосалондан чиқариб, етказиб бериш»ни айтиб, жами 74 нафар фуқаронинг 40 000 000 сўмдан то 200 000 000 сўмгача бўлган жуда кўп миқдордаги, жами - 6 155 000 000 сўмлик пул маблағларини фирибгарлик йўли билан қўлга киритган.
Харидорларни қабул қилишда эса улар гўёки GM Uzbekistan билан шартнома тузганини айтиб алдаган.
Жиноят ишлари бўйича Шайхонтоҳур туман суди ЖКнинг 168-моддасининг тегишли бандлари билан айбланувчиларга 8-9 йилгача озодликдан маҳрум этиш жазосини тайинлади.
Мавзуга оид
08:50 / 12.07.2024
Тошкентдаги яна бир автосалон одамларни алдагани айтилмоқда
07:49 / 24.04.2024
Автомашина олди-сотдиси учун ўзганинг пулини ўзлаштирган шахс ушланди
14:22 / 11.09.2023
Тошкентдаги яна бир автосалон фуқароларни чув туширди
23:08 / 12.03.2022