Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 17:07 / 01.07.2024
    15883
    5 дақиқада ўқилади

    «Ҳаёт тўхтаб қолган шаҳар». Украин ҳарбийлари оғир шароитларда Часив Ярни ҳимоя қилишда давом этмоқда

    Украинадаги урушнинг 858-куни ўтди. Асосий маълумотлар:

    • Россия қўшини Харкивга авиабомба ташлади. Бир киши ҳалок бўлиб, яна тўққиз киши жароҳатланган.
    • РФ мудофаа вазирлиги Донецк областидаги Новоолександривка ва Спирне қишлоқлари эгалланганини маълум қилди.
    • Россия қўшини Запорижжя областининг Волнянск шаҳрига ракета зарбаси йўллади. Етти киши ҳалок бўлиб, 38 киши жароҳатланган. Шаҳарда мотам эълон қилинган.
    • Ленинград қамалини бошдан кечирган, урушга қарши чиққан 88 ёшли Людмила Василева Петербург губернаторлиги учун ўз номзодини кўрсатишга керакли миқдорда имзо йиға олмади.
    • РФ мудофаа вазирлиги тунда Россиянинг олтита регионига 30 дан ортиқ дронлар ҳужум қилгани ҳақида хабар берди. Липецкда саноат зонаси зарба остида қолган.
    • Россия қўшини Киев бўйлаб ракета зарбаси йўллади. 14 қаватли турар жой биноси шикастланган.

    Часив Яр атрофидаги украин ҳарбийлари

    Россия қўшини қирол Даниил номидаги 24-алоҳида механизациялашган бригада ҳимоя қилаётган Часив Яр томон юриш қилишда давом этмоқда.

    Бригаданинг телеграм-каналида шаҳардаги вазият «ўта оғир» деб таърифланган, «душман кучлари сезиларли устунликка эгалиги» ва украиналик ҳимоячиларнинг «шароити ҳаддан ташқари мураккаблиги» айтилган
    Oleg Petrasiuk / Ukrainian 24 Mechanised brigade / AP / Scanpix / LETA
    «Рақиб шаҳарни барча воситалар билан шафқатсизларча яксон этмоқда, улкан миқдордаги FPV-дронлар қўлламоқда, шаҳар ҳимоячилари устига [портловчи моддалар] ташланмоқда», — дея ёзади украиналик ҳарбийлар ўз телеграм-каналида
    Oleg Petrasiuk / Украина ҚК матбуот хизмати / EPA / Scanpix / LETA
    28 июн куни эълон қилинган постда айтилишича, Россия қўмондонлиги «шаҳарни штурм қилишга десантчилар, махсус топшириқли бўлинмалар ҳамда собиқ маҳбуслардан тузилган „Шторм V“ отрядларини ташлаб, рўпарадан тўхтовсиз ҳужум қилмоқда ҳамда уни қанотлардан айланиб ўтишга ҳаракат қилмоқда».
    Oleg Petrasiuk / Украина ҚК матбуот хизмати / EPA / Scanpix / LETA
    «Душман биздан таассуротларнинг бутун бир „гулдастаси“ни олмоқда, аммо гап гуллар ҳақида эмас, балки „Гвоздика“ гаубицасининг 152 миллиметр калибрли снарядлари ҳақида бормоқда», — дея ёзади 24-алоҳида механизациялашган бригада ўз каналида
    Oleg Petrasiuk / Ukraineʼs 24th Mechanised Brigade / AP / Scanpix / LETA
    24-алоҳида механизациялашган бригада жангчиси «Гвоздика» ўзиюрар гаубицаси олдида
    Oleg Petrasiuk / Ukraineʼs 24th Mechanised Brigade / AP / Scanpix / LETA
    «Украинанинг Россия қўшини ҳужумига учраган ҳар қандай шаҳри буткул вайрон бўлади», — дея ёзади украин ҳарбийлари ва «ҳаёт тўхтаб қолган шаҳар» бўлмиш Часив Яр ҳам бу рўйхатни тўлдириши қўшимча қилинади
    Oleg Petrasiuk / Ukrainian 24 Mechanised brigade / AP / Scanpix / LETA
    «Биз бардош бериб турибмиз, аммо сафларимизда йўқотишлар ҳам бор. Ҳалок бўлган аскарлар, сержантлар ва офицерларга мангу шон-шараф. Қасос оламиз», — дея ваъда қилишган украиналик жангчилар
    Oleg Petrasiuk / Украина ҚК матбуот хизмати / EPA / Scanpix / LETA

    Харкив бўйлаб авиазарба оқибатлари

    РФ қўшини 30 июн куни Харкивдаги «Новая почта» терминалига ФАБ-500 авиабомбаси ташлади.

    Харкив области раҳбари Олег Синегубовга кўра, авиазарба оқибатида «Новая почта»нинг саккизта юк автомобили яксон этилган
    Vitalii Hnidyi / Reuters / Scanpix / LETA
    10 киши, жумладан саккиз ойлик чақалоқ жароҳатланган
    Vitalii Hnidyi / Reuters / Scanpix / LETA
    Синегубов ўз телеграм-каналида ёзишича, бир киши ҳалок бўлган
    Andrii Marienko / AP / Scanpix / LETA
    Харкив области раҳбари ишлаб чиқариш бинолари ва омборхоналар, шунингдек тиббиёт муассасаси шикастлангани ҳақида хабар берган
    Vitalii Hnidyi / Reuters / Scanpix / LETA

    Киев ўққа тутилиши оқибатлари

    30 июн куни кечқурун Россия қўшини Киев бўйлаб ракета зарбаси йўллади. Украина пойтахтининг Оболон районида 14 қаватли турар жой биноси шикастланган.

    «Қурбонлар йўқ, беш киши кучли стресс туфайли тиббиёт ходимларига мурожаат қилган, бир аёл шифохонага ётқизилган», — деб хабар қилган Киев шаҳар прокуратураси. Ракета зарбаси юзасидан уруш урф-одатлари ва қонунларини бузиш бўйича иш очилган.
    Valentyn Ogirenko / Reuters / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    22:23 / 21.11.2024

    Россия «Рубеж»ни ишга солди. Бу ракета ядровий каллакни ҳам олиб уча олади

    21:52 / 21.11.2024

    Залужний: «Хуш келибсан, учинчи жаҳон уруши»

    16:43 / 21.11.2024

    Россия Украинага қитъалараро баллистик ракета билан ҳужум қилди — УҲК

    15:39 / 21.11.2024

    Сўровлар: Украина ва Россияда кўпчилик тинчлик музокараларини хоҳлаяпти