Қўшимча функционаллар
-
Тунги кўриниш
Тошкентда 63 ёшли эркак автобусда вафот этди
Бекатда турган автобус ичида унинг соғлиғи ёмонлашгани таъкидланмоқда.
26 сентябр куни Олмазор тумани, «Беруний» метро бекатида турган автобусда 63 ёшли эркак вафот этди. Бу ҳақда Тошкент шаҳри ИИББ хабар берди.
Қайд қилинишича, соат тахминан 11.20 ларда «Беруний» метро бекатида турган автобусда йўловчининг (1961 йилда туғилган) соғлиғи ёмонлашиб қолган. Йўловчига ҳаво етмагани сабабли автобусдан ташқарига олиб чиқилган ва тез тиббий ёрдам чақирилган. Бироқ йўловчи тез тиббий ёрдам машинаси келгунига қадар вафот этган.
Ҳолат юзасидан текширув ўтказилаётгани таъкидланмоқда.
Тошкент шаҳри ИИББ ЙҲХБ эркак транспорт воситаси уриб юборгани туфайли вафот этгани ҳақида тарқалган хабарларни рад қилди.
Мавзуга оид
09:10
Тошкентда дорилар савдоси билан шуғулланиб келган шахслар ушланди
21:21 / 13.11.2024
Урганчга Хитойдан 30 дона замонавий автобус олиб келинди
20:17 / 13.11.2024
Покистонда тўй автобуси дарёга қулаши оқибатида 22 киши ҳалок бўлди
18:38 / 13.11.2024