Икки ҳудудда энергия ресурсларидан ноқонуний фойдаланиш ҳолати фош этилди

Ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.

Фото: Прокуратура департаменти

Бош прокуратура ҳузуридаги департаментнинг Қарши ва Кўкдала тумани бўлимлари томонидан терговга қадар текширувлар ўтказилди.

Унда ушбу ҳудудлардаги L.K. НМТТда ҳамда U.B. фермер хўжалиги масъул шахслари умумий фойдаланишдаги табиий газ ва электр тармоғига тўғридан-тўғри уланиб, жами 177,1 млн сўмлик энергия ресурсларидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.