Ўзбекистон ташқи ишлар вазири Бахтиёр Саидов МДҲ бош котиби Сергей Лебедев билан учрашди.
"Мамлакатимиздаги парламент ва маҳаллий Кенгашлар сайловларида МДҲ кузатувчилари миссиясига раҳбарлик қилаётган Мустақил Давлатлар Ҳамдўстлиги Бош котиби Сергей Лебедев жаноблари билан учрашдик", – деб ёзди Ўзбекистон ТИВ раҳбари ўзининг telegram-каналида.
Қайд этилишича, яқинда бўлиб ўтган МДҲ саммитида эришилган келишувларни рўёбга чиқариш, ҳамкорликни мустаҳкамлаш, бўлажак тадбирлар жадвали каби масалалар муҳокама қилинди.
