Қўшимча функционаллар
-
Тунги кўриниш
Биржага чиқарилаётган пропаннинг бошланғич нархига нисбатан чеклов ўрнатилди
Рақобат қўмитаси биржага чиқарилаётган пропаннинг бошланғич нархига нисбатан 20 фоизлик спред (чеклов) ўрнатди. Ушбу ёқилғи нархи охирги 5 ой ичида қарийб 2 баробаргача қимматлашиб кетганди.
Фото: Yandex Maps
Рақобатни ривожлантириш ва истеъмолчилар ҳуқуқларини ҳимоя қилиш қўмитаси Республика товар-хомашё биржасида пропан нархининг юқори чегарасини белгилади. Бу ҳақда бир нечта бозор иштирокчиларига таяниб Spot хабар берди.
Қайд этилишича, қўмитанинг 5 ноябрдаги топшириғига кўра, чоршанба кунидан бошлаб суюлтирилган газ учун бошланғич нархига нисбатан 20 фоиз миқдорида чеклов (спред) жорий этилган.
Ушбу қарор нархларга сезиларли таъсир қила бошлаган. Хусусан, 6 ноябр кунги савдоларда пропаннинг ўртача нархи тоннасига 1,2 млн сўмдан кўпроққа пасайиб, 8,9 млн сўмгача арзонлашган.
Аввалроқ, 5 июндан 5 ноябргача бўлган даврда биржа савдоларида пропаннинг 1 тоннаси 5,3 млн сўмдан 10,2 млн сўмгача ёки 91,4 фоизга ошгани хабар қилинганди.
Мавзуга оид
11:22 / 25.12.2024
Фарғонадаги портлаш Яйпанда такрорланмайди деб ким кафолат беради? Аҳоли уйи ёнидаги “заправка”дан хавотирда
08:20 / 13.12.2024
Рақобат қўмитаси йирик савдо тармоқларига нархларни назорат қилиб боришни топширди
17:57 / 12.12.2024
Иккиламчи автомобил бозорида ўртача нархлар пасайишда давом этяпти
09:27 / 11.12.2024