Абдулла Арипов Одилбек Қосималиевни Қирғизистон бош вазири этиб тасдиқлангани билан табриклади

18 декабр куни Ўзбекистон бош вазири Абдулла Арипов Қирғизистон вазирлар маҳкамаси раиси – президент администрацияси раҳбари Одилбек Қосималиев билан телефон орқали мулоқот ўтказди.

Фото: Қирғизистон Республикаси Вазирлар Маҳкамаси матбуот хизмати

Суҳбат аввалида Ўзбекистон бош вазири Одилбек Қосималиевни Қирғизистон бош вазири этиб тасдиқлангани муносабати билан самимий табриклади.

Шунингдек, давлатлар раҳбарлари томонидан ҳукуматлар олдига қўйилган муҳим вазифаларни амалга оширишда яқин ҳамкорлик қилиш ҳамда савдо-иқтисодий, транспорт-логистика, энергетика, саноат кооперацияси, қишлоқ хўжалиги, маданий-гуманитар ва бошқа соҳаларда эришилган келишувларни изчил рўёбга чиқаришга ишонч билдирилди.

Аввалроқ, Ўзбекистон бош вазири қирғизистонлик ҳамкасбига ушбу лавозимга тасдиқлангани муносабати билан табрик мактуби юборган эди.