«Тошкент метрополитени» ДУК 31 декабрдан 1 январга ўтар кечасидаги иш жадвалини эълон қилди.
Қайд қилинишича, метро 31 декабр тонгги 5:00 дан 1 январ тунги соат 2:00 гача йўловчиларга хизмат кўрсатади. Яъни шу куни метро бекатлари иш вақти одатдагидан 2 соатга узайтирилади. Таъкидланишича, бу метрополитен тарихида биринчи марта юз бермоқда.
Шу билан бирга, метрополитеннинг қўшимча дам олиш кунларидаги жадвали ҳақида маълумот берилмади. Бу ҳақда қўшимча хабар берилиши маълум қилинди.
