ЎзЛиДеПнинг акцияси республика бўйлаб оммалашмоқда

Ўтган йилги сайловолди тарғиботи давомида ЎзЛиДеПдан кўрсатилган номзодлар доимий равишда аҳоли билан мулоқот қилишга, мунтазам равишда уларнинг ҳолидан хабар олишга ваъда берган эди. Бугун улар ўз ваъдаси устидан чиқиб, сайловчиларнинг муаммоларини тизимли ҳал қилишяпти.

Партия ўз сайловолди дастурида кўзда тутилган барча мақсад ва ғояларини амалга оширишда фаоллик кўрсатмоқда. Инсон қадри учун тамойили асосида партия томонидан турли акциялар ташкил қилиняпти.

ЎзЛиДеП ташаббуси билан ўтказилаётган "Огоҳ бўлинг - ис гази" акцияси республика бўйлаб оммалашиб бормоқда.

Акция доирасида шу кунга қадар “Ижтимоий ҳимоя ягона реестри”га киритилган 10 мингга яқин хонадонга ис газини аниқлайдиган ускуналар бепул тарқатилди, 1939 нафар депутатлар, 979 нафар тадбиркорлар, 4 мингга яқин тегишли давлат органи вакиллари иштирок этди.

Тарғибот давомида аҳоли хонадонларида иситиш тизимларини мунтазам текшириш ва таъмирлаб бориш, хавфсизлик қоидаларига қатъий риоя қилиш, ис газининг хавфлилиги ва ундан сақланиш бўйича мутахассислар томонидан атрофлича тушунчалар берилди.   

Партиянинг мазкур ташаббусини аҳоли вакиллари катта хурсандчилик билан қабул қилиб, ўз миннатдорчиликларини билдиришди (Реклама).