«OpenAI сотилмайди»: Компания Маскнинг таклифини рад этди

OpenAI Илон Маскнинг компанияни 97,4 миллиард долларга сотиб олиш таклифини рад этди.

Фото: AP

ChatGPT'ни ишлаб чиққан OpenAI компанияси 14 феврал, жума куни уни 97,4 миллиард долларга (92,8 миллиард евро) сотиб олиш учун корпорация директорлар кенгашига мурожаат киритган Илон Маскнинг таклифини рад этди. OpenAI бош директори Сэм Алтман бу маълумотни тасдиқлади.

«OpenAI сотилмайди ва кенгаш Маскнинг рақобатчиларни ўз назоратига олишга бўлган сўнгги уринишини бир овоздан рад этди. OpenAI'нинг ҳар қандай потенциал қайта ташкил этилиши бизнинг нотижорат ташкилотимизни ва унинг AGI'нинг бутун инсониятга фойда келтиришини таъминлаш миссиясини кучайтиради», — дея OpenAI бошқарув кенгаши раиси Брет Тейлорнинг сўзларидан иқтибос келтирди.

OpenAI фойда олишга эътибор қаратмоқчи

OpenAI ўз тузилмасини ўзгартириш ва фойда олишга йўналтирилган компанияга айланиш жараёнида, дея хабар беради dpa.

Миллиардернинг адвокатлари 12 феврал куни суд аризасида Маск бошчилигидаги, унинг сунъий интеллект стартапи xAI'ни ўз ичига олган консорциум тижорий тузилмага айланиш режаларидан воз кечса, OpenAI'ни сотиб олиш таклифини қайтариб олишини билдирди.

Алтман ва Маск ўртасидаги низо кўп йиллардан бери давом этиб келмоқда, деб ёзади The Guardian.

Аввалроқ, 12 феврал куни The Wall Street Journal нашри Илон Маскнинг Х платформаси 2021 йил 6 январда тарафдорлари Капитолийга бостириб кириши ортидан ижтимоий тармоқлардаги аккаунтлари блокланганидан сўнг сиёсатчи даъвосини ҳал қилиш учун АҚШ президенти Доналд Трампга 10 миллион доллар тўлаши ҳақида хабар берган эди.

#Илон Маск #OpenAI