Ўзбекистон ва Франция Афғонистон йўналишидаги ҳамкорликни муҳокама қилди

Ўзбекистон президентининг Афғонистон бўйича махсус вакили Исматулла Эргашев Франция элчиси Орелия Бушез билан учрашди.

ТИВ маълумотига кўра, суҳбат чоғида Ўзбекистон-Франция ҳамкорлигининг Афғонистон йўналишидаги бугунги ҳолати, минтақавий хавфсизликни таъминлаш масалалари атрофлича муҳокама қилинди.

Орелия Бушез Ўзбекистоннинг Афғонистонга гуманитар ёрдам кўрсатиш ва ижтимоий-иқтисодий аҳволини яхшилашга қўшган салмоқли ҳиссасини алоҳида эътироф этди.