Қўшимча функционаллар
-
Тунги кўриниш
Лондон ва Париж мигрантлар алмашинуви бўйича келишувни муҳокама қилмоқда
Келишув амалга ошса, Британия мамлакатга Ла-Манш орқали ноқонуний кириб келган мигрантларни Францияга депортация қилиши мумкин бўлади.
Фото: Reuters
Лондон Ла-Манш бўғози орқали қайиқда мамлакат ҳудудига ноқонуний равишда келган мигрантларни Парижга депортация қилиш имконига эга бўлади. Буюк Британия ва Франция бу борадаги келишувни муҳокама қилмоқда, деб ёзади Financial Times.
Бунинг эвазига Британия Франциядан мамлакатда қолиш ҳуқуқига эга (жумладан, оилаларни бирлаштириш дастури доирасида) хориж фуқароларини қабул қилади. Франция Ички ишлар вазирлиги бу схемадан бошқа Европа Иттифоқи давлатлари ҳам фойдаланишига умид қилмоқда.
«Бу пилот лойиҳа бўлиб, келажакдаги Европа келишувига асос бўлиши мумкин. Франция мазкур ташаббусни қатъий қўллаб-қувватлайди», — дейди Франция ИИВ вакили.
Шунга қарамай, FT манбаларининг таъкидлашича, ушбу схеманинг бутун Европа Иттифоқи бўйича кенг қўлланиши даргумон — кўпгина мамлакатлар ЕИ аъзоси ҳисобланмайдиган Буюк Британия томонидан депортация қилинган мигрантларни қабул қилишни истамайди. Газета суҳбатдошларининг қайд этишича, Париж ва Лондон ўртасидаги музокаралар ҳозирча дастлабки босқичда, бошқа Европа давлатларининг иштироки ҳақида гапиришга ҳали эрта.
Маълумотларга кўра, 2025 йил бошидан бери 8,2 минг киши Ла-Манш орқали кичик қайиқларда Франциядан Буюк Британияга ноқонуний ўтишга уринган. Бу ўтган йилнинг мос даврига нисбатан 30 фоизга кўп. Умумий ҳисобда 2024 йилда 37 мингта шу каби ҳолат қайд этилган.
Тавсия этамиз
Сўнгги янгиликлар
-
Пискентдаги автополигондан сертификат олишнинг «навбатсиз» йўллари ҳам борми?
Ўзбекистон | 16:35
-
Эрон 2023 йилда Озарбойжон элчихонасига ҳужум қилган эркакни қатл қилди
Жаҳон | 16:28
-
Netflix Амир Темур ҳақидаги фильмни суратга олди
Жамият | 16:17
-
Россия меморандумни имзолаш учун Зеленскийни четлатишни талаб қилмоқда
Жаҳон | 15:51
Мавзуга оид
21:04 / 22.05.2025
Франциялик фермер қиймати 4 млрд евролик олтин конини топиб олди
18:08 / 22.05.2025
Британия Россия махсус хизматларини 10 мингга яқин камерани бузиб кирганликда айблади
09:04 / 21.05.2025
Британия Россияга қарши санкцияларни яна кучайтирди
22:47 / 20.05.2025
Россия фуқаролигини олган 20 минг чет эллик Украинага қарши урушда қатнашмоқда — Бастрикин
