Ўзбекистон ТИВ раҳбари матбуот котиби Аҳрор Бурҳонов ўзининг Telegram каналида ёзишича, уларнинг ташрифи Оролбўйи минтақасида 500 га яқин беморларга бепул диагностика ва даволаш хизматларини кўрсатиш, аҳолининг соғлигини мустаҳкамлаш ва тиббий ёрдамни кенгайтириш мақсадида амалга оширилди.
Бу инсонпарварлик миссияси фуқароларга сифатли ва замонавий тиббий хизматлардан фойдаланиш имкониятини яратди. Барча ишлар юқори ташкилий ҳамда тиббий даражада олиб борилди.
"Ал-Амал" халқаро жарроҳлик гуруҳи мамлакатда беш кун давомида бўлди.
