Саноат хавфсизлиги соҳасидаги бир қатор ҳужжатлар такомиллаштирилди

Вазирлар Маҳкамаси қарори билан саноат, радиация ва ядро хавфсизлиги соҳасидаги қонунчилик ҳужжатларини такомиллаштирилиши муносабати билан бир қатор НҲҲга ўзгартириш ва қўшимчалар киритилди.

Фото: AFP / JOCHEN LUEBKE

Ўзгартиришлар қуйидагиларни назарда тутади:

саноат, радиация ва ядро хавфсизлиги соҳасидаги лицензиялаш, рухсат бериш ва хабардор қилиш тартиб-таомилларини такомиллаштириш;
хавфли ишлаб чиқариш объектлари томонидан техноген хавфи юқори бўлган зоналарнинг давлат кадастри паспортлари ишлаб чиқилиши мажбурийлигини белгилаш;
саноат хавфсизлиги соҳасидаги экспертларга эксперт гувоҳномасини бериш тартибини такомиллаштириш.

Хусусан, қуйидагиларга ўзгартириш ва қўшимчалар киритилди:

Ишлаб чиқаришдаги бахтсиз ҳодисаларни ва ходимлар саломатлигининг меҳнат вазифаларини бажариш билан боғлиқ бошқа хил зарарланишини текшириш ва ҳисобга олиш тўғрисидаги низом;
Техноген хавф юқори бўлган зоналар давлат кадастрини юритиш тартиби тўғрисидаги низом ва бошқалар.