Зеленский Мерцга: Украина Германиянинг қўллаб-қувватловига умид қилмоқда

«Канцлер Украинани сўзсиз қўллаб-қувватлашини тасдиқлади. Буни эшитиш муҳим эди. Мен миннатдорман», деб ёзди Зеленский Фридрих Мерц билан телефон суҳбатидан сўнг.

8 май, пайшанба куни Украина президенти Володимир Зеленский Германиянинг янги канцлери Фридрих Мерц билан телефон орқали гаплашди. «Германия федерал канцлери билан яхши ва батафсил суҳбат», — деб ёзди Зеленский X ижтимоий тармоғида.

«Биз Германия Украинани қўллаб-қувватлашда – ҳозир халқимизни ҳимоя қилишда ҳам, уруш тугаганидан кейин ҳам мамлакатни тиклашда муҳим роль ўйнашда давом этишини кутамиз», — деди Украина раҳбари. Унинг сўзларига кўра, Украина ва Германия «шериклик учун катта салоҳиятга эга» ва «кўп муҳим нарсаларни» амалга ошириш бўйича дастлабки келишувларга аллақачон эришилган.

«Канцлер Украинани сўзсиз қўллаб-қувватлашини тасдиқлади. Буни эшитиш муҳим эди. Мен миннатдорман», деб ёзди Зеленский. Шунингдек, у Берлин ва Киев «муносиб тинчликка эришиш» учун ҳамкорликни давом эттиришини қўшимча қилди.

#Германия #Украина #Володимир Зеленский