Зеленский: Россия бутун дунёга нафратини билдиряпти

Украинадаги вазиятни тинч йўл билан тартибга солишга уринишларга жавобан Россия ҳукумати бутун дунёга нафрат билдирди. Бундай фикрни Володимир Зеленский 4 июн, чоршанба куни Владимир Путин ва Доналд Трамп ўртасидаги телефон суҳбати якуни бўйича билдирди.

«Кўпчилик Россия билан турли даражаларда гаплашди. Ҳеч қандай суҳбат нафақат узоқ муддатли тинчликка, ҳаттоки урушни тугатишга ҳам олиб келгани йўқ. Афсуски, Путин ўзини жазосиз ҳис қилмоқда ва ҳатто Россиянинг барча даҳшатли зарбаларидан кейин ҳам у гўё яна бир қанча жавоблар тайёрламоқда», деб ёзди Украина президенти Telegramʼда.

«Ҳар бир янги зарба, дипломатиядаги ҳар бир янги кечикиш билан Россия бутун дунёга нафрат кўрсатяпти. Россияга босимни кучайтиришни истамайдиган ҳар бир кишига», — дея қўшимча қилди Зеленский. У «урушнинг ўз баҳоси борлигини ҳис қилиши» учун Москвага босим ўтказишга чақирди.

Путин билан суҳбатдан сўнг Трамп бу «зудлик билан тинчликка олиб келадиган суҳбат эмаслигини» айтди. «Путин аэродромларга яқинда қилинган ҳужумга жавоб беришга мажбур бўлишини қатъий айтди», — деб ёзади республикачи.