2 млндан ортиқ Ўзбекистон фуқароси туристик мақсадда чет элга сафар қилди

2025 йилнинг январ-апрел ойларида жами 2,1 млн нафар Ўзбекистон фуқаролари туристик мақсадларда чет элга сафар қилган.

Фото: Getty images

Миллий статистика қўмитаси маълумотларига кўра, бу кўрсаткич ўтган йилнинг мос даври билан солиштирилганда 404,5 минг нафарга ёки 23,6 фоизга ошган.

Жорий йилнинг январ-апрел ойларида чет элга борган Ўзбекистон фуқаролари сафар мақсадлари бўйича қуйидагича:

қариндошларни йўқлаш – 1,7 млн нафар;
сайёҳлик – 399,1 минг нафар;
даволаниш – 15,2 минг нафар;
ўқиш – 9,9 минг нафар;
хизмат юзасидан – 4,7 минг нафар.