2026 йил кузида россиялик сайёҳлар Ўзбекистонга авиачипталарни оммавий равишда харид қила бошлади. Бу «Lenta» таҳририяти ихтиёрига келиб тушган «Туту» саёҳат хизмати маълумотларида акс этган.
Кузда авиачипта бронлари улушининг ортиши бўйича Ўзбекистон етакчига айланиб, 5,2 фоизлик пунктга ўсиш кўрсаткичини қайд этди. Иккинчи ўринни Туркия эгаллаган бўлса, кейинги ўринларда Озарбойжон, Арманистон ва Грузия жойлашди. Шу билан бирга, Беларус ва Қозоғистонга авиачипта бронлари улуши камайган.
2026 йил кузида меҳмонхоналар учун тўловлар сони бўйича энг катта ўсиш Хитойда кузатилди (плюс 4,2 фоизлик пункт). Иккинчи ўринда эса 3,2 фоизлик натижа билан Ўзбекистон турибди. Бироқ, меҳмонхоналарни брон қилиш сони бўйича, 2025 йилдагидек, Беларус, Абхазия ва Туркия етакчиликни сақлаб қолмоқда.
