The Samarkand express поезди лойиҳаси учун 25 млн доллар инвестиция киритиляпти

Саудия Арабистонининг Аl Harir газетасида "Ўзбекистон The Samarkand express ҳашаматли сайёҳлик поезди қатновини йўлга қўяди" сарлавҳали мақола чоп этилди.

Фото: Kun.uz

Мақолада таъкидланишича, лойиҳа ташаббускори "Ўзбекистонтемир йўллари" АЖ бўлиб, молиялаштириш тўғридан тўғри хорижий инвестициялар ҳисобидан амалга оширилади.

"Сармояларнинг умумий ҳажми 25 миллион АҚШ долларига тенг. Шундан 10 миллион доллари 2025 йилда жалб қилиниши режалаштирилган. Поезд ҳаракати 2026 йил охиридан йўлга қўйилади", – дейилади нашрда.

Аl Harir газетасининг ёзишича, The Samarkand express ҳашаматли сайёҳлик поезди вагонларининг ташқи пардозлаш ишлари якунланган ва яқин орада улар ички пардозлаш ҳамда тўлиқ техник жиҳозлаш учун Италияга юборилади.

Тайёрлаган: Отабек Матназаров

#Самарқанд #поезд #инвестиция