Зеленский собиқ адлия вазирини АҚШга элчи сифатида юборишга қарор қилди

Собиқ адлия вазири Олга Стефанишина Украинанинг АҚШдаги элчиси бўлишга тайёрланмоқда, дея тасдиқлади Володимир Зеленский.

Фото: Nathan Howard/Getty Images

Украина президенти Володимир Зеленский адлия вазири Олга Стефанишинани президентнинг АҚШ билан ҳамкорликни ривожлантириш бўйича махсус вакили лавозимига тайинлаш ҳақидаги фармонни имзолади.

Зеленскийнинг сўзларига кўра, Стефанишина «Украинанинг АҚШдаги элчиси лавозимига унинг номзодини Вашингтон билан мувофиқлаштириш бўйича барча тегишли тартиб-қоидалар давом этаётган бир пайтда» шу лавозимда ишлайди.

Стефанишина ҳукуматни тарк этаётганини тасдиқлади, у бош вазирнинг Европа ва Евроатлантика интеграцияси бўйича ўринбосари ва адлия вазири лавозимларида ишлаган. Шунингдек, у АҚШ билан Украина-Америка инвестицияларини тиклаш фондини яратиш бўйича музокараларда иштирок этди, деди Зеленский.

Украина матбуоти АҚШга элчи этиб тайинланишини башорат қилган Украина собиқ мудофаа вазири Рустем Умеров, эҳтимол, Россия билан музокарачи ролига эътибор қаратади, деб ёзади "РБК-Украина" манбага таяниб.