24 июлга ўтар кечаси Россия дронлари зарбалари оқибатида Украинанинг энг машҳур бозори – Одессадаги «Привоз» бозори зарар кўрди. У 1827 йилда ғилдираклар билан савдо қилиш жойи (яъни аравалар ва извошлар; «Привоз» номи ҳам шу билан боғлиқ) сифатида очилганди. 1917 йилдан олдинроқ кейинроқ бозор рамзига айланган, «Мевали пассаж» деб номланган арка шаклидаги дарвозали павилёнлар комплекси қурилган.
«Привоз»нинг ўзи эса Одесса шаҳри рамзига айланади. Бу ерда украинлар, руслар, яҳудийлар, татарлар ва бошқа миллат вакиллари савдо қилишган. Бу ерда «Одесса колорити»нинг бир қисмига айланган ҳазиллар ва мақоллар пайдо бўлади. «Привоз» ҳақида Исаак Бабел ўз асарларида ёзган, Михаил Жванецкий ҳазиллар тўқиган. Бу шаҳарнинг асосий бозори, гастрономик ва тарихий диққатга сазовор жойи, маданий марказ ҳисобланади.
Дронлар ҳужуми натижасида «Мевали пассаж» қисман вайрон бўлган. Савдо павилёнларида ёнғин бошланган, аммо у аллақачон ўчирилган. Жабрланганлар ҳақида хабар берилмаган. Ҳужумга қарамай, бозор ишлашда давом этмоқда. Савдо шохобчалари зарар кўрган сотувчилар омон қолган маҳсулотларни қутқаришга ҳаракат қилишмоқда.
Тунги ҳужум пайтида нафақат «Привоз», балки Приморский булваридаги тарихий объектлар ҳам ҳужумга учраган. Улар орасида «Лондон» меҳмонхонаси (1846 йилда очилган Одессанинг биринчи меҳмонхонаси), Золотаревлар уйи (меъморий ёдгорлик мақомига эга) ва Воронцовский саройи бор.
Бу бинолардаги шикастланиш ҳолатлари «Привоз» павилёнлари каби жиддий эмас. Уларнинг ойналари синиб, сувоқлари қисман кўчиб тушган.
