БАА Ўзбекистон маҳсулотларини сотишга мўлжалланган электрон платформани ишга туширди

Мазкур лойиҳа Наманган вилоятида мевали боғ ташкил қилган БААнинг Sura Holding компанияси томонидан амалга оширилди.

Ушбу платформанинг афзаллиги шундаки, у Марказий Осиё давлатларидан БААга импорт қилинадиган қишлоқ хўжалиги маҳсулотлари учун харидорларни топишга ёрдам беради, маҳсулот учун маҳаллий экспортчиларга тўловларни амалга оширади, зарур ҳолларда эса платформа таъсисчиларига тегишли бўлган омборларда товарларни сақлаш мажбуриятларини ўз зиммасига олади.

Sura trade онлайн платформаси орқали сотиладиган маҳсулотларнинг сифати ва хавфсизлигига аниқ талаблар белгиланди.