Мерц: Путин тўғридан тўғри музокараларга ўзини фақат тайёрдек кўрсатди

Германия канцлери Фридрих Мерц Россиянинг Украинага қарши уруши «яна кўп ойлар давом этишини» инкор этмади. Бу ҳақда Германия ҳукумати раҳбари 29 август, жума куни Франция президенти Эммануэл Макрон билан Тулонда Германия ва Франция ҳукуматлараро маслаҳатлашувлари якунлари бўйича ўтказилган қўшма матбуот анжуманида маълум қилди.

Мерцнинг сўзларига кўра, Россия президенти Владимир Путин ўзини фақат Украина президенти Володимир Зеленский билан тўғридан тўғри музокарага тайёрдек кўрсатган. «Мен биргаликда – биз, яъни европаликлар Америка ҳукумати билан биргаликда кейинги қадамларни ҳар томонлама муҳокама қилишимизни қатъий қўллаб-қувватлайман», — дея Германия канцлери сўзларини келтирмоқда dpa.

«Агар Путин ва Зеленский ўртасидаги учрашув душанба кунигача бўлиб ўтмаса, Путин (АҚШ президенти Доналд) Трампни алдагани маълум бўлади», — дея қўшимча қилди Макрон ва келгуси дам олиш кунлари Мерц билан биргаликда Оқ уй раҳбари билан буни муҳокама қилиш ниятида эканини таъкидлади.