Ўзбекистон энергетика соҳасига Британиянинг илғор технологиялари йўналтирилади

Суҳбат чоғида Ўзбекистонда нефт-газ соҳасида қўшма лойиҳаларни амалга ошириш, шу жумладан, энергетика соҳасига илғор технологиялар ва инновацион ечимларни жорий этиш имкониятлари кенг муҳокама қилинди.

Шунингдек, Cavitas Energy компаниясининг замонавий технологиялари орқали иқтисодий жиҳатдан самарасиз деб баҳоланган нефт конларини тижорат жиҳатдан рентабел активларга айлантириш имкониятлари ҳам батафсил кўриб чиқилди.

Мазкур ёндашув нафақат мавжуд ресурслардан оқилона фойдаланиш, балки мамлакат энергетика салоҳиятини янада юксалтиришга хизмат қилиши таъкидланди.

"Cavitas Energy компанияси Ўзбекистон билан узоқ муддатли ва амалий ҳамкорлик ўрнатишга тайёр, – деди Грэм Макней. – Шу билан бирга, компаниямиз ўзининг илғор технология ва ечимларини Ўзбекистон энергетика соҳаси ривожига йўналтиришга катта қизиқиш билдирмоқда".