Nevo 07 ташқи дизайнида қатор ўзгаришлар бўлган: фаралари янада ингичка кўринишга келтирилган ва бамперга ўрнатилган. Эшик тутқичлари ҳам “кузовга чўктирилган” кўринишда ишланган. Орқа қисмида эса спойлер ҳам ўрнатилган.
Машина ўлчамлари эса шундай: узунлиги 4905 мм, эни 1910 мм, баландлиги 1480 мм. Ғилдираклар базаси 2900 ммга тенг. Бу Toyota Camry’нинг 2025 йилги моделиники билан деярли бир хил дегани — 2825 мм. Автомобил 19 дюймли ғилдираклар билан жиҳозланган.
Nevo 07 да анъанавий ускуналар панели дисплейидан воз кечилган. Унинг ўрнига ягона 15,4 дюймлик дисплей ўрнатилган. У Qualcomm Snapdragon 8155 чипи ёрдамида ишлайди. Бир эмас, бирданига 2 та смартфонни симсиз қувватлаш имконияти бор.
Nevo 07 ҳам электромобил, ҳам ҳибрид седан сифатида харидорларга таклиф этилади. Электромобил версияси комплектацияси қараб бир марталик қувватланиш билан 730 кмгача масофа босиб ўта олади. Батареяси эса CАТL компаниясига тегишли бўлиб, литий темир фосфатли бўлади.
Ҳибрид верися бўлса, 268 от кучига эга электромотор, 1,5 литрли ички ёнув двигатели (97 от кучи) ҳамда CATL’нинг 35,1 kWh сиғимли батареяси билан жиҳозланган. Ёнилғи баки 45 литрга тенг. Токнинг ўзида 310 кмгача, ҳибрид режимда эса 1570 кмгача масофа босиб ўта олади.
Энг арзон комплектация 19 640 долларга баҳоланган бўлса, топ версия нархи 22 450 доллар этиб белгиланган.
