Бир ойда табиатга 46,7 млрд сўмлик зарар етказилди

Ўзбекистонда бир ойда табиатга 46,7 миллиард сўмлик зарар етказилди. Бу ҳақда Давлат хавфсизлик хизмати хабар қилди.

Фото: Видеодан кадр

ДХХ, БП, ИИВ, ФВВ, МВ ва МГ ходимларидан ташкил топган ишчи гуруҳлар томонидан республика бўйлаб жами 116 та назорат тадбирлари ўтказилган.

Уларнинг натижасида ноқонуний қум-шағал қазиб олиш (39 та), дарахт кесиш (36 та), балиқ овлаш (15 та), ноқонуний қурол сақлаш ва ов қилиш (6 та), экологияни ифлослантириш (20 та) каби ҳуқуқбузарликлар аниқланган.

Улар оқибатида табиатга 46,7 млрд сўм зарар етказилганлиги маълум бўлди.