Фотограф Намибиядаги Хуаб дарёси водийсида филларни кузатаётганда, қуриган ўзан қумида ғайриоддий судралиш изларини пайқаган. Филлар гуруҳига етиб боргач, бу излар қаердан пайдо бўлганини тушунган.
Гуруҳдаги урғочи фил нобуд бўлган боласини олиб кетаётган эди. Боласининг оёғи онасининг қозиқ тиши ва хартуми орасида қисилиб қолган.
Осиё ва Африка филларида ўлим билан боғлиқ турли хатти-ҳаракатлар кузатилган. Улар ўзига хос товушлар чиқаради, ўлган тўдадошларининг танасини қўриқлайди, суякларини текшириб, тегиб кўради, баъзан эса уларни кўтариб юради.
Айрим тадқиқотчилар бу ҳаракатлар филларнинг ўлимни англаши билан боғлиқ бўлиши мумкинлигини айтса, бошқалари уларни эҳтимолий қайғу ифодаси сифатида талқин қилади.
Wildlife Photographer of the Year танловининг 62-кўргазмаси 2026 йил 16 октябрда Лондон Табиий тарих музейида очилиши ва 2027 йил 11 июлгача давом этиши режалаштирилган. Кейин экспозиция Буюк Британия ва бошқа мамлакатларда намойиш этилади.
