Сэм Алтман сунъий интеллект соҳасининг эҳтимолий инқирози ҳақида огоҳлантирди

OpenAI бош директори Сэм Алтман қўлидан келадиган энг яхши ишни қилди: сунъий интеллект билан боғлиқ муаммолар ҳақида хотиржамлик билан огоҳлантирди.

Фото: Kyle Grillot/Bloomberg via Getty Images

OpenAI'нинг Техас штати Абилин шаҳрида қурилаётган йирик маълумотлар марказларидан бирига экскурсия чоғида Алтман бутун саноатни молиявий жиҳатдан тор-мор келтириши мумкин бўлган потенциал вазиятга нисбатан ўлчовли баҳо берди.

«Биз ишлаётган ўн йил ичида ва кейинги ўн йилликларда ҳам кўтарилишлар, ҳам пасайишлар бўлади», деди у.

Ярим триллион долларлик стартапга раҳбарлик қилаётган ва тез ривожланаётган сунъий интеллект саноатининг авангардини ифодаловчи одамдан бундай хотиржам баёнотни эшитиш ғалати. Бугунги кунда деярли бутун жаҳон иқтисодиёти ушбу соҳага сармоя киритмоқда.

Сунъий интеллектнинг таъсири кўламини Wall Street Journal томонидан келтирилган статистик маълумотлар кўрсатади: АҚШда сўнгги икки чоракда СИга капитал қўйилмалар иқтисодий ўсишга уй хўжаликларининг барча харажатларидан кўра кўпроқ ҳисса қўшган.

Шунинг учун, агар СИ пуфакчаси ёрилиб кетса, бу бутун иқтисодиётга жиддий таъсир кўрсатиши мумкин, дейилса муболаға бўлмайди.

Хавф белгилари ҳамма жойда кўриняпти — ва энг хавотирлиси шундаки, энг йирик сунъий интеллект компаниялари унумдорликда ўзига хос инқилобни кутаётган инвесторлар миллиардлаб доллар тикаётган технологиялардан фойда олиш қобилиятини ҳали исботлай олмаган.