Porsche компаниясини McLaren собиқ бош директори бошқаради

Porsche McLaren компаниясининг собиқ бош директори Михаэл Ляйтерс компанияни 2026 йилдан бошлаб бошқаришини маълум қилди. У Porscheʼни 2015 йилдан буён бошқариб келаётган Оливер Блюме ўрнини эгаллайди. Шунингдек, у 2022 йилдан буён Volkswagen бош директори лавозимида ҳам ишлаган.

Фото: Julian Stratenschulte/dpa/picture alliance

2025 йилнинг апрелигача Британиянинг McLaren автомобил ишлаб чиқарувчисини бошқарган Михаэл Ляйтерс 2026 йил 1 январдан бошлаб Штутгартда жойлашган Porsche бошқарув кенгаши раиси лавозимида Оливер Блюме ўрнини эгаллайди, дея маълум қилди dpa 17 октябр, жума куни кечқурун компания кузатув кенгаши қарорига таяниб.

«Porsche AG'да ўн йил ишлаганимдан сўнг, йил охирида Volkswagen манфаати йўлида ўз ворисимга ўз ваколатимни топширишга қарор қилдим», деб тушунтирди Блюме. У 2015 йилдан бери Porscheʼни бошқариб келган, 2022 йилдан эса бу лавозимни Volkswagen бош директори лавозими билан бирлаштирган. Porsche'нинг ўзи ҳам Volkswagen'га тегишли.

ОАВ 17 октябр куни эрталаб Блюменинг ўрнини босувчи шахсни қидириш ишлари якунлангани ҳақида хабар берди. Кузатув кенгаши кейинчалик Ляйтерс Porsche компаниясини бошқаришга тайёрлигини эълон қилди. Томонлар энди музокараларни бошлашга тайёр. Ляйтерс аввалроқ немис автомобил ишлаб чиқарувчисида 13 йил ишлаган, Италиянинг Ferrari компаниясида лавозимларни эгаллаган, 2022 йилнинг июлидан эса McLaren'ни бошқариб келган.

Porsche раҳбарияти энди Оливер Блюменинг икки лавозимини бирлаштиришини хоҳламаслиги ҳақидаги хабарлар биринчи марта ёзда пайдо бўлди. Ўшанда Блюме бу лавозимни тарк этгач, асосий эътиборни Volkswagen'даги муаммоларни ҳал қилишга қаратиши хабар қилинганди. Блюменинг шартномаси 2030 йил охиригача узайтирилди.