Қирғизистоннинг Ўш вилоятида 14 ноябрь куни соат 16:57 да 3,7 магнитудали зилзила содир бўлди. Бу ҳақда Сейсмопрогностик мониторинг маркази хабар берди.
Зилзила 10 км чуқурликда юзага келган, эпимарказ Тошкент шаҳридан 328 км жануби-шарқда жойлашган.
Ер силкиниши Андижон вилоятининг бир нечта ҳудудларида сезилди:
- Қўрғонтепа тумани — 2–3 балл (эпицентрдан 23 км)
- Хонобод тумани — 2–3 балл (23 км)
- Хўжаобод тумани — 2 балл (33 км)
- Жалақудуқ тумани — 2 балл (36 км)
Зилзила эпимарказида сезилиш кучи 4 балл бўлгани маълум қилинди.
Жабрланганлар ва талафотлар ҳақида хабар берилмади.
