Халқаро ISO стандартлари de factum клиникасининг ажралмас қисмига айланди

Стандартларнинг жорий этилиши клиникага жараёнларни фақат тартибга солиш билан чекланмай, балки барқарор ишлайдиган сифат тизимини яратишга ёрдам берди. Ушбу тизимда тиббий натижаларнинг барқарорлиги ва олдиндан айтилиш имконияти клиника томонидан бошқариладиган жараёнларга айлантирилди. de factum учун бу – ишончни мустаҳкамлаш ва сифати юқори тиббий ёрдам маданиятини ривожлантиришга хизмат қиладиган стратегиянинг асосий йўналишларидан биридир.

ISO 7101:2023 стандартининг аҳамияти

Кейинги муҳим қадам — ISO 7101:2023 стандартини жорий этиш бўлди. Ушбу стандарт клиник ёрдамнинг сифати ва хавфсизлиги учун асос яратади. У шифокорларнинг қарор қабул қилиш тартибини, диагностика ўтказиш қоидаларини, мутахассислар ўртасидаги ҳамкорликни ва хавфларни бошқариш усулларини белгилаб беради. Натижада тиббий ёрдам кўрсатишнинг яхлит ва тартибли тизими шаклланади.

Айнан шу тизим доирасида клиника ташқи аудитдан муваффақиятли ўтди. Аудит тасдиқладики, бирламчи қабулдан тортиб даволаш якунларигача бўлган барча босқичлар аниқ ва назорат остидаги шароитда амалга оширилади. Бу шифокорларнинг маълумотларга таянган ҳолда, ягона методикалар асосида ва клиник сифатни мунтазам кузатиб борган ҳолда уйғун ишлашини таъминлайди.

Вақт ўтиши билан ушбу тизим клиниканинг бутун фаолиятини бошқаришда кенг қамровли ёндашув пойдеворига айланди. Энди эътибор фақат клиник талабларга эмас, балки барча жараёнларни комплекс бошқаришга қаратилган.

SO 9001:2015ʼнинг клиника фаолиятидаги ўрни

ISO 9001:2015 — тиббий, диагностик ва маъмурий жараёнларни ягона назорат тизимига бирлаштирадиган стандартдир. У иш жараёнларини ташкил этиш, ички текширувлар ўтказиш, хужжат юритиш ва жараёнларни доимий такомиллаштиришга оид талабларни белгилайди.

Клиника учун бу шифокорларнинг касбий фаолияти, мутахассислар ўртасидаги ҳамкорлик, лаборатория тадқиқотлари ва сервис жараёнлари ягона, ўзаро боғланган тизимга бирлаштирилиб, ҳар бир амал сифат назорати механизмлари билан қўллаб-қувватланишини англатади.

Алоҳида эътибор — лабораторияга

Лаборатория маълумотлари клиник қарорларнинг катта қисмини ташкил қилади. Шу сабабли аудит лаборатория ишининг барча босқичларини батафсил баҳолади. Текширув биоматериални қабул қилиш ва қайта ишлаш, ўлчаш аниқлиги, ускуналарни калибрлаш, натижалар ишончлилигини назорат қилиш усуллари ва ҳисобот тайёрлаш тартибларини ўз ичига олди.

Аудит якунларига кўра, клиника лабораторияси замонавий лаборатория таҳлили бўйича халқаро протоколларга тўлиқ мос деб топилди. Ушбу талабларга риоя этиш аналитик аниқликни, маълумотларнинг қайта тикланиш имкониятини ва шифокорлар клиник қарорлари асосланадиган натижаларнинг ишончлилигини таъминлайди.

Халқаро стандартлар доирасидаги клиник жараёнлар

Лаборатория ва шифокорларнинг стандартлаштирилган иш услубига ўтиши клиниканинг умумий трансформациясидаги мантиқий босқич бўлди. Халқаро стандартларнинг жорий этилиши тиббий ёрдам кўрсатишнинг бутун тамойилларини ўзгартирди. Энди ҳар бир босқич — клиник маълумотларни йиғишдан тортиб даволаш натижаларини назорат қилишгача — сифатни узлуксиз кузатиб борадиган ва эҳтимолий оғишларни олдиндан аниқлайдиган тизимга боғланган.

Шу туфайли мутахассислар ўртасидаги ҳамкорлик янада уйғунлашди. Лаборатория аниқ маълумот беради, шифокорлар асосланган клиник қарорлар қабул қилади, сифат бошқаруви тизими эса ҳар бир қадамни ўз вақтида баҳолаб боради. Бунинг натижасида хавфларни ҳодиса юз бергандан кейин эмас, балки олдиндан олдини олишга қаратилган профилактика маданияти шаклланади.

Бемор учун сезиларли ўзгаришлар

Бу жараёнлар бемор учун аниқ афзалликларга айланади: тўғри диагностика, даволаш натижаларининг олдиндан айтилиш имконияти, лаборатория тадқиқотларининг ишончлилиги ва ҳар бир босқичнинг шаффофлиги. Ҳолатнинг мураккаблигидан қатъий назар, бемор халқаро етакчи тиббий марказларда қўлланадиган тамойиллар асосида ишлайдиган ва ташқи аудитлар билан мунтазам тасдиқланадиган тизим доирасида тиббий ёрдам олади.

Халқаро стандартларни танлаш сабаблари

de factum учун ISO стандартларини жорий этиш дунё талабларига мослашиш учун қўйилган расмий қадам эмас, балки онгли стратегиядир. Халқаро стандартлар тиббий ёндашувлар, лаборатория ишлари, сервис жараёнлари ва ички бошқарувни объектив маълумотларга таянган ҳолда ривожланиб борадиган ягона тизимга бирлаштириш имконини беради.

de factumʼнинг стратегик ривожланиши

ISO 7101 ва ISO 9001 стандартларини жорий этиш клиника учун кейинги ривожланишнинг муҳим босқичи сифатида кўрилади. Ушбу стандартлар бошқарув тизимини мустаҳкамлайди, хизматларни кенгайтириш учун пойдевор яратади ва жараёнларнинг аниқлигини касбий ҳамжамият ҳамда ҳамкорлар учун оширади.

Шу билан бирга, бемор асосий йўналиш бўлиб қолади. Халқаро стандартлар тиббий ёрдамни барқарор, аниқ ва олдиндан айтиладиган даражада ташкил этишга ёрдам беради. Айнан мана шу ёндашув de factum ривожланишининг асосий йўналишини белгилайди. Бу ерда тиббий хизмат сифати узоқдаги мақсад эмас, балки ҳар куни амалда мавжуд бўлган мезондир.

Батафсил маълумот учун:

Манзил: Тошкент шаҳри, Юнусобод тумани, Минор мавзеси, 86А

Клиниканинг Веб Сайти | Чек ап бўлими

Телефон: +998 55-508-00-00

 Реклама ҳуқуқи асосида