Centrum Air авиакомпаниясининг самолётида юзага келган техник носозлик туфайли 21 декабрь куни маҳаллий вақт билан 09:30 да Россиянинг Қозон шаҳридан Тошкентга учиши керак бўлган рейс бир неча маротаба кечиктирилган.

Хусусан, якшанба кунининг ўзида рейс вақтлари камида 4 маротаба ўзгарган: дастлаб 10:30 га, кейин 12:00 ва 15:00 га. Охир-оқибат 21 декабрь кунги рейс 22 декабрга қолдирилган.

«Кун давомида йўловчиларга аниқ маълумот беришмади. Дастлаб бир неча маротаба қолдирилди, деган эълонлар бўлди. Кейин «юкларингизни олиб кетишингиз мумкин, 30 кун ичида билет пули қайтарилади» деган гаплар айтилди». Кечга бориб самолёт учиши ҳақида яна умидлар пайдо бўла бошлади», дейди Kun.uz'га мурожаат қилган йўловчилардан бири. Унинг айтишича, бу орада милиция ходимлари ҳам келиб, уларни аэропортдан чиқариб юбормоқчи бўлган.

Centrum Air’нинг Қозон аэропортидаги вакили йўловчиларга – самолёт ғилдирагида техник носозлик юзага келганини айтган. Уни алмаштириш кечга қадар вақт олган. Шундан сўнг экипаж аъзолари дам олиши кераклиги айтилган ва рейс эрталабга қолдирилган.

Лекин, 22 декабрь куни эрталаб, 07:30 даги рейс ҳам ўз вақтида учмаган. Йўловчилар маҳаллий вақт билан 09:20 да самолётга чиқарилган ва 3 соатдан кўпроқ вақт давомида яна самолёт бортида ўтирган. Компания вакиллари буни Россия томони учишга рухсат бермаётгани билан изоҳлаган.

Қозон-Тошкент рейсининг 214 нафар йўловчилари 21 декабрь маҳаллий вақт билан 09:00 дан 22 декабрь 12:30 га қадар жами 27 соат аэропорт ҳудудида қолиб кетган. Kun.uz'га маълум бўлишича, самолёт 22 декабрь куни маҳаллий вақт билан 12:30 дан сўнг учиб кетган.

Йўловчиларга 21 декабрь куни кечки вақтда меҳмонхонага бориш таклиф қилинган. Лекин кўпчилик йўловчилар бунга рози бўлмаган ва кутиш залида қолган.

«Компания вакили бизни олдимизга келиб, ана учади, мана учади, деб кунни кеч қилди. Шундан кейин кўпчилик унинг гапларига ишонмай қўйди ва меҳмонхонага кетмади. Бундан ташқари, йўловчиларнинг аксарияти меҳнат муҳожири бўлгани учун чегарадан яна кириб чиқсам, муаммо бўлармикан, деб хавотирландик», дейди Kun.uz билан боғланган бошқа бир йўловчи.

Centrum Air телеграм каналида дастлаб, 21 декабрь куни «техник сабаблар туфайли рейс жадвали 15:00 га қолдирилгани»ни